گورنر پنجاب و چانسلر زرعی یونیورسٹی فیصل آباد نے یونیورسٹی کے پانچ سینئر ماہرینِ تعلیم کو ڈینز کے عہدے پر تعینات کر دیا ہے۔ سیکرٹری زراعت کی طرف سے جاری کردہ نوٹیفکیشنز کے مطابق پروفیسر ڈاکٹر عمران پاشا ڈائریکٹر جنرل نیشنل انسٹیٹیوٹ آف فوڈ سائنس اینڈ ٹیکنالوجی کو فیکلٹی آف فوڈ نیوٹریشن اینڈ ہوم سائنسز کا ڈین، پروفیسر ڈاکٹر وقاص وکیل ڈائریکٹر پروفیشنل ٹریننگ اینڈ سکل ڈویلپمنٹ سینٹر کو فیکلٹی آف سوشل سائنس کا ڈین، شعبہ بائیو کیمسٹری سے پروفیسر ڈاکٹر عامر جمیل کو فیکلٹی آف سائنسز کا ڈین، پروفیسر ڈاکٹر محمد شاہد محمود ڈائریکٹر انسٹیٹیوٹ آف مائیکروبیالوجی کو فیکلٹی آف ویٹرنری سائنس کا ڈین جبکہ شعبہ وبائی امراض اور پبلک ہیلتھ سے پروفیسر ڈاکٹر محمد عمران ارشد کو فیکلٹی آف ہیلتھ اینڈ فارماسیوٹیکل سائنسز کا ڈین مقرر کیا گیا ہے۔ زرعی یونیورسٹی فیصل آباد کے وائس چانسلر پروفیسر ڈاکٹر ذوالفقار علی نے نئے ڈینز کو مبارکباد دیتے ہوے کہا ہے کہ ان کی قیادت میں متعلقہ فیکلٹی تحقیق اور تدریس میں ترقی کے نئے باب مرتب کریں گی۔
